ग्रुप कॅप्टन प्रशांत बालकृष्णन नायर यांची या मिशनसाठी बॅकअप पायलट म्हणून निवड करण्यात आली आहे.
ग्रुप कॅप्टन शुभांशु शुक्ला यांची आगामी भारत-अमेरिका मोहिमेवर आंतरराष्ट्रीय अंतराळ स्थानकावर (ISS) उड्डाण करण्यासाठी निवड करण्यात आली आहे, असे भारतीय अंतराळ संशोधन संस्था (ISRO) ने जाहीर केले आहे.
ISRO ने सांगितले की, त्याच्या ह्युमन स्पेस फ्लाइट सेंटरने Axiom Space Inc, USA सोबत त्याच्या Axiom-4 मिशनसाठी स्पेस स्टेशनवर एक स्पेस फ्लाइट करार केला आहे.यासाठी नॅशनल मिशन असाईनमेंट बोर्डाने या मिशनसाठी दोन ‘गगनयात्री’ ची प्राइम आणि बॅकअप मिशन पायलट म्हणून शिफारस केली आहे.
ग्रुप कॅप्टन शुभांशु शुक्ला यांची प्राइम पायलट म्हणून निवड झाली आहे, तर ग्रुप कॅप्टन प्रशांत बालकृष्णन नायर यांची बॅकअप म्हणून निवड करण्यात आली आहे.नियुक्त केलेल्या क्रू सदस्यांना बहुपक्षीय क्रू ऑपरेशन्स पॅनेल (MCOP) द्वारे आंतरराष्ट्रीय अंतराळ स्थानकावर उड्डाण करण्यासाठी शेवटी मान्यता दिली जाईल. शिफारस केलेले गगनयात्री ऑगस्ट 2024 च्या पहिल्या आठवड्यापासून मिशनसाठी त्यांचे प्रशिक्षण सुरू करतील, ”इस्रोने एका निवेदनात म्हटले आहे.
