नासिक ग्रामीण पोलिसांची उल्लेखनीय कामगिरी अवघ्या दोन तासात दरोडाच्या गुन्ह्याचा तपास पूर्ण आरोपी ताब्यात

नाशिक ग्रामीण पोलिसांनी त्र्यंबकेश्वर परिसरातील दरोड्याच्या गंभीर प्रकरणाचा अवघ्या २ तासांत छडा लावत धडक कारवाई केली आहे. ‘डायल ११२’ वर मिळालेल्या कॉलच्या आधारे पोलिसांनी ही कारवाई करत टोळीतील आरोपींना जेरबंद केले आहे. 
ठळक मुद्दे:
घटनास्थान: तळेगाव शिवार, स्वामी समर्थ केंद्राजवळ, त्र्यंबकेश्वर. 
घटनेची वेळ: २६ जुलै रोजी पहाटे ३ वाजेच्या सुमारास. 
पोलिसांची कारवाई: ‘डायल ११२’ वर माहिती मिळताच नाशिक ग्रामीण पोलिसांची पथके तात्काळ रवाना झाली व अवघ्या दोन तासांत आरोपींच्या मुसक्या आवळल्या. 
जप्त केलेला मुद्देमाल: ६ लाख ८० हजार रुपयांचा मुद्देमाल (कंडक्टर वायर, ५ मोबाईल फोन, तांब्याची वायर, तलवारी, कुऱ्हाडी, कटर व वाहन).
घटनाक्रम काय होता?
२६ जुलै रोजी पहाटे सुमारे ३ च्या सुमारास १० ते १२ दरोडेखोरांच्या टोळीने तळेगाव शिवारातील एका साईटवर प्रवेश केला. आरोपींनी सुरक्षारक्षक आणि कर्मचाऱ्यांना तलवारी, कुऱ्हाडी आणि लोखंडी रॉडचा धाक दाखवून मारहाण केली. त्यानंतर त्यांनी मोबाईल फोन आणि सबस्टेशनमधील महागडे SQMM कंडक्टर वायर लुटून पोबारा केला. 
घटनेनंतर कर्मचाऱ्यांनी तात्काळ ‘डायल ११२’ वर संपर्क साधून पोलिसांना माहिती दिली. माहिती मिळताच त्र्यंबकेश्वर पोलीस ठाणे आणि स्थानिक गुन्हे शाखेने (LCB) घटनास्थळी धाव घेत नाकेबंदी केली व अवघ्या दोन तासांत आरोपींना मुद्देमालासह ताब्यात घेतले. 
प्रशासकीय नोंद: जिल्हा पोलीस अधीक्षक आणि उपविभागीय पोलीस अधिकाऱ्यांच्या मार्गदर्शनाखाली त्र्यंबकेश्वर पोलीस पुढील कायदेशीर तपास करत असून फरार आरोपींचा शोध सुरु आहे.